كلاص رائع وجميل

السلام عليكم



هد الكلاص كنديرو سنين هدي واللي داقو كيصحابلو ديال الزنقة
المقادير أنا درت غير النصف لأنو كيخرج بزاف
حك نسلي
1 لتر حليب
2 بكيات ديال كريم شانتي اللي فالصورة
إلا بغيتي تديري هد الكمية خدمية فشيحاجة كبيرة حيت كتكون الكمية كبيرة
أنا درت نصف علبة نسلي مع نصف لتر حليب مع واحد علبة كريم شانتي
كنكب نسلي فكسرونة كبيرة ونزيد عليه الكريم ونحركو بملعقة حتى ينسجم تم نبقى نزيد الحليب غير شوية بشوية وأنا كنخلط بالطراب الكهربائي ولابد الحليب غير شوية بشوية ونطرب حتى يطلع الخليط ونزيد ثاني الحليب وهكدا حتى نكمل الحليب والصور غادي توضح ليكم المراحل من بعد قسموه ونكهوه على حساب الذوق أنا درت القهوة والكاوبيل والفاني وديروه يتجمد وبالصحة والراحة